Type Here to Get Search Results !

Dargha Zinda Shah Madar makanpur

Hindustan k Pahele Sufi buzurg Aur awwal daayie islam Hazrat Syed Badiuddin ahamad QutbulMadar Zinda Shah Madar Halabi o shami :

حمد باری تعالی Hamde bari Tala


ا           حمد باری تعالٰی
آ         ☆☆☆☆ا☆☆☆☆

از✍🏻حضور باباےء قوم وملت
حکیم الامت سید محمد ولی شکوہ
"ولی" جعفری مداری
قدس سرہ العزیز
ا••••••••••••••••••••••••••••••••

حمد تیری کس زباں سے ہم کریں اےء کردگار
تیرے خود اوصاف سے ہے  تیری مدحت آشکار

قادر مطلق  ہے  تو   ہر  شئے  پہ  تیرا  اختیار
تو ہی  ہے  خالق ہمارا   تو  ہی  ہے پروردگار

تو ہی ہے معبود برحق تو ہی ہےسب کا کفیل
چارہ ساز  دل فگاراں  تو  ہی  ہے  رب  جلیل

تیرے  الطاف و عنایت  کا  نہیں  کوئی  شمار
تو هی  ہے خالق  ہمارا  تو  ہی  ہے پروردگار

یہ   فضا ئیں  یہ  ہوا ئیں  یہ  زمین  و  آسماں
ماہتاب  و  مہر و انجم  تیری  قدرت کے نشاں

اور گواہی دے  رہی ہے  گردشِ لیل  و نہار
تو  ہی ہے خالق  ہمارا  تو  ہی ہے پروردگار

ناتواں  دل  کا  سہارا  ہو  ترا  فضل  و کرم
مرحلوں  میں زندگی کے  ہم رہیں ثابت قدم

ہو  ہماری  زیست  کا  تیری  رضا  پر  انحصار
تو  ہی  ہے  خالق  ہمارا  تو  ہی  ہے پروردگار

دل  دیا  تو  درد  دے  جذبات سوز و ساز دے
تا  حد   عرش   معلی ٰ  آہ  کو   پرواز    دے

زندگی  کا  ہر  نفس  ہو  تیری  عظمت پر نثار
تو  ہی  ہے  خالق  ہمارا  تو  ہی  ہے پروردگار

کار سازی  کے  تصدق  دل   وہ  یا رب کر عطا
جس کی قسمت  بن  گئی ہو  الفت خیر الوری'

آل  و اصحاب  نبی  کا  بخش  دے  ہم کو شعار
تو  ہی  ہے  خالق  ہمارا  تو  ہی  ہے پروردگار

از رہ  بندہ   نوازی   ہم  کو   یہ  توفیق  دے
تیری الفت کے سوا  دل میں  نہ کچھ باقی رہے

دم  بد م   آئے   یہی  اپنی  زباں   پر  بار  بار
تو  ہی  ہے  خالق  ہمارا  تو  ہی  ہے پروردگار

آخری   دل  کی  تمنا  ہے" ولی" کی  یا  خدا
زیست  کا   اسلام  پر  ایمان   پر   ہو    خاتمہ

ہو  یہی لب پر  اٹهیں مرقد سے جب روز شمار
تو  ہی  ہے  خالق  ہمارا  تو  ہی  ہے پروردگار

ا*************************
پیشکش :  سید منور علی جعفری
www.qutbulmadar.org
plz visit
9830360930

Post a Comment

0 Comments
* Please Don't Spam Here. All the Comments are Reviewed by Admin.